బందనాలు ఆపలేని అల – రెడ్డి జాగృతి అసెంబ్లీ ముట్టడి :

డిసెంబర్ 27, 2016 సైలెంట్ గా తనపని తాను చేసుకుంటూ, తన కుటుంబం ఖర్చుల వరకు ఆలోచించి లెక్కలు రాసుకొని, పొదుపుతో బ్రతుకుతున్న రెడ్డి… ఇన్నాళ్లుగా తనలో దాచుకున్న వేదనను, తన వారికి అన్ని రంగాలలో జరుగుతున్న అన్యాయాలను గురించి, అట్టుడికి పోయిన అగ్ని పర్వతం విస్ఫోటనం జరిగితే… ఇలాగే ఉంటుంది అని తెలిసొచ్చిన రోజు.

ఇందిరాపార్క్ వద్ద ఉదయం మొదలైన “జై రెడ్డి” నినాదాలు… ఆ రోజు వరకు మంత్రివర్యులను కలిసి వినతిపత్రాలు సమర్పించడం… సైలెంట్ గా వెళ్లి మళ్లీ తమ రోజువారి పనులలో నిమగ్నమయ్యే రెడ్డి బిడ్డలనే చూసిన అనుభవంతో ఉన్న అధికారాల మధ్య మన నినాదాలు చెవులకు సోకలేదు.

మద్యాహ్న సమయం వరకు నినాదాలు, ర్యాలీ వరకు మాత్రమే ప్రశాంతత చూసి, న్యూస్ పేపర్ కవరేజ్ కోసం చేసే ధర్నాలనే తక్కువ అంచనాల మధ్య… పోలీసుల పహారాలతో, ముళ్లకంచెల బార్డర్ తో ఆపేయవచ్చు అనుకున్నంత ప్రశాంతంగానే సాగింది.

కానీ, కొద్ది కొద్దిగా తీవ్ర స్థాయికి చేరుకుంటుందని తెలిసి, అసెంబ్లీ ముట్టడి కోసం కెరటం ముంచుకు రాబోతుంది అనే సూచనలు అందడంతో పోలీస్లు అలర్ట్ అయి… ఫినిషింగ్ ముళ్ల తీగకు ఇవతల వరకు వలయంలా నిలిచారు. అసెంబ్లీ రూట్ బ్లాక్ చేస్తున్నట్లు జై రెడ్డి నినాదాలతో పాటు మాకు కావాలి రిజర్వేషన్లు… మాకు సంక్షేమ పథకాలు అందించాలని…నినాదాలు చేస్తూ, రెడ్డి యువనాయకుల సారధ్యంలో అసెంబ్లీ ముట్టడికి కదిలిన రెడ్డి కొదమ సింహాలను నిలువరించడానికి శతవిధాల ప్రయత్నాలు జరిగాయి. ఇది ఒక కదలిక…ఇక ముందు మమ్ముల్ని ఎదుర్కోవడానికి సిద్ధంగా ఉండమన్నట్లుగా ఇచ్చే ఒక అల్టిమేటం… ఇక ముందు ఎన్నో రెట్ల మహౌన్నత శక్తిగా కదిలిరానున్నామని తెలియజేయడానికి ఈ అసెంబ్లీ ముట్టడి ఒక సూచన మాత్రమే… పోలీసులు లాఠీలు ఝలిపించారు…. అడ్డుపడ్డారు… అడ్డుకున్నారు. అసెంబ్లీ ముట్టడికి ప్రయత్నిస్తున్న రెడ్డి బిడ్డలను పట్టి వ్యా లోకి ఎక్కించారు… అయినా, నినాదాలను ఆపలేక పోయారు.

మొత్తం అసెంబ్లీ ముట్టడిలో పాల్గొన్న నాయకులను, రెడ్డి యువకిశోరాలను రెండు గ్రూపులుగా విడగొట్టి, ఒక బృందాన్ని గాంధీనగర్ పోలీస్ స్టేషను, మరో బృందాన్ని నాంపల్లి స్టేషన్ కి తరలించారు. అయినా, సరే స్థలం మారిందే కానీ, నినాదాల సూరు అణచలేక పోయారు. ఇంతకాలం మన మౌనాన్ని, మానవత్వాన్ని మన తెలియనితనంగా, అమాయకత్వంగా భావించిన వారందరికి, ఈ అసెంబీ ముట్టడి వార్తా కథనాలతో, పోరాటానికి సిద్ధం కావలసిన సమయం వచ్చిందని సంకేతం అందించడం జరిగింది.

ఈ కార్యక్రమంలో బుట్టెంగారి మాధవ రెడ్డి మాట్లాడుతూ…రెడ్డి కులస్తులలోని నిరుపేదలకు ప్రభుత్వ సంక్షేమ పథకాలు, వివిధ కార్యక్రమాలలో ఎటువంటి లబ్ధి చేకూరక అందరి నిర్లక్ష్యానికి గురవుతూ ఉన్నారని అవేదన వ్యక్తం చేశారు. రెడ్డిల్లోని నిరుపేదలను గుర్తించి, విద్యా, ఉద్యోగ, ఉపాధి అవకాశాలలో ప్రాధాన్యం ఇవ్వాలని అన్నారు. కార్యక్రమంలో పిట్ట శ్రీనివాస రెడ్డి, బద్ధం భాస్కర్ రెడ్డి, కరుణాకర్ తో పాటు రెడ్డి జాగృతి ముఖ్యనాయకులు పాల్గొన్నారు.

మీ గొంతుకై ప్రతిధ్వనిస్తాం – రెడ్డి భరోసా యాత్ర :

“ ఆత్మహత్యలు వద్దు – ఆత్మగౌరవం ముద్దు” అనే నినాదంతో గ్రామ స్థాయిలో నివసిస్తున్న రెడ్డి కుటుంబాల పరిస్థితులను అధ్యయనం చేయడానికి, రెడ్డి విద్యార్థులు, యువత, రైతులు ఆత్మహత్యలు రోజు రోజుకి పెరిగిపోతున్న నేపధ్యంలో వారికి మేమున్నామని భరోసా కల్పిస్తూ “రెడ్డి జాగృతి” ఆధ్వర్యంలో నిజామాబాద్ నుండి రెడ్డి అధ్యయన – రెడ్డి భరోసా యాత్ర పేరుతో బస్ యాత్ర ప్రారంభించారు. 

నిజామాబాద్ నుండి ఉదయం 8 గంటలకు మొదలైన రెడ్డి అధ్యయనం, రెడ్డి భరోసా యాత్ర మోహల్ గ్రామం మీదుగా ముల్లంగికి చేరుకుంది. రెడ్డి భరోసా యాత్రకు స్వాగతం పలకడానికి ప్రతీ గ్రామంలో రెడ్డి బంధువులు ఆత్మీయ స్వాగతం పలికారు. ప్రతి గ్రామంలో ఉన్న రెడ్డి బంధువులను కలుసు కొని రెడ్డి జాగృతి బృందం లక్ష్యాలను వివరిస్తూ , నిరుత్సాహ పడవద్దని… రైతు బాంధవులకు మేము న్నామని భరోసా కల్పిస్తూ.. మీ తరుపున మేము నిలుస్తామని ధైర్యాన్నిస్తూ ముందుకు సాగింది. నిజామాబాద్ జిల్లాలో గల తెలంగాణ యూనివర్సిటీ… నుండి ముందుకు సాగి రెడ్డి అధ్యయన భరోసా యాత్ర నిజమాబాద్ జిల్లాలో రామగుడ, దుబా, బోర్లం,సుద్దలం, మోపలు, ధరవల్లి గ్రామాలలో జరిగిన రెడ్డి అధ్యయనం, భరోసా యాత్రకు మద్దతు ఇచ్చిన రెడ్డి బంధువులకు కృతజ్ఞతలు తెలిపారు. 

రెండో రోజు నిజామాబాద్ జిల్లాలో కమ్మర్ పల్లి, రేకులపల్లి, “పెరుగట్ల తదితర గ్రామాలలో ఈ యాత్ర సాగింది. జన్నారంలో – విజయవంతంగా సాగిన రెడ్డి భరోసా యాత్ర మంచిర్యాలకు – సాగుతున్న రెడ్డి అధ్యయన మరియు భరోసా యాత్ర కొనసాగింది. రాత్రి చీకటి, చలిని అధిగమిస్తూ రెడ్డి జాగృతి బృంధం, రెడ్డి బంధువులు కలిసి సమావేశం నిర్వహించారు.

హిమ్మత్ నగర్ ఆగ్రామం మారం వల్లెలో ఆత్మహత్య చేసుకున్న మారంమధుకర్ రెడ్డి కుటుంబాన్ని పరామర్శించిన రెడ్డి జాగృతి సభ్యులు మాట్లాడుతూ మన హక్కులు, సంక్షేమం సాధించుకునే రోజు… మరెంతో దూరం లేదన్నారు. ఇన్నాళ్ళుగా ఎన్నో కష్టాలకు ఓర్చుకొని భరిస్తూ వచ్చాము.

మన పోరాటం ఫలితాలు అందబోతున్న ఈ తరుణంలో ఆత్మసైర్యం కోల్పోవద్దన్నారు. పోరాడి సాధించుకుందామని దానికోసం రెడ్డి జాగృతి మీ వెంట నిలుస్తుందన్నారు.

తుమ్మనపల్లి గ్రామం హుజురాబాద్ మండలంలో నిరుద్యోగ విద్యార్థి తన ప్రతిభకి తగిన గుర్తింపు రాలేదని తన పరిస్థితులను గురించి వివరించారు.

ఇలా అడుగడుగునా, రెడ్డి బంధువుల ఆదరాభిమానాల మధ్య ప్రారంభమైన యాత్ర గ్రామాలలో రెడ్డి బంధువులు, రైతులు, విద్యార్థులతో మమేకమవుతూ.. ప్రభుత్వ ఫలితాలకు రిజర్వేషన్లు మోకాలడ్డి అగమ్య గోచరంగా ఉన్న పేద రెడ్డి బ్రతుకు చిత్రాన్ని ఆకలింపు చేసుకున్న రెడ్డి జాగృతి నిరంతరం రెడ్డి సంక్షేమం, హక్కుల సాధనకై పోరాడుతూనే , రెడ్డి బంధువులకు స్నేహహస్తాన్ని అందించేందుకు నిరంతరం పాటుపడతామని సభ్యులు తెలిపారు.